Jizzax shahar 22-son “Turon” saylov okrugidan saylangan Xalq deputatlari shahar Kengashi deputati Sh.Azimov, “Turon” mahalla fuqarolar yig‘ini “yettiligi” a’zolari hamda mutasaddi idoralar vakillari ishtirokida “Turon” MFY hududida korrupsiyaga qarshi kurash bo‘yicha amalga oshirilayotgan ishlar holati muhokama qilindi. Yig‘ilish davomida:

• Korrupsiyaning oldini olish bo‘yicha amalga oshirilgan ishlar tahlil qilindi;

• Yo‘l qo‘yilgan ayrim kamchiliklar va ularning sabablari ko‘rsatib o‘tildi;

• Mahallada ochiqlik va shaffoflik tamoyillarini keng joriy etish, fuqarolarning murojaatlarini tezkor va xolis hal etish, davlat xizmatlarini raqamlash orqali inson omilini qisqartirish kabi chora-tadbirlar muhokama qilindi. Deputat Sh.Azimov va mahalla yetakchilari aholining huquqiy ongi va faolligini oshirish muhimligini ta’kidlab, kelgusidagi ishlar samaradorligini oshirish bo‘yicha takliflar berdi.