🔹Xonabod MFY hududida joylashgan 15-sonli umumta’lim o‘rta maktabida muhim uchrashuv bo‘lib o‘tdi. Unda Xalq deputatlari Bekobod tumani Kengashi deputati U. Rahimjonov, mahalla faollari, IIB xodimlari, maktab o‘qituvchilari hamda o‘quvchilarning ota-onalari ishtirok etdilar.

🔹Yig‘ilish davomida o‘quvchilarning intizomi, darslarga qatnashish (davomat) holati, yoshlar o‘rtasida huquqbuzarliklarning oldini olish, ta’lim sifatini oshirish va ota-onalar mas’uliyati kabi dolzarb masalalar muhokama qilindi. So‘zga chiqqanlar farzand tarbiyasida maktab, oila va mahalla hamkorligi muhim ahamiyatga ega ekanini ta’kidladilar.