Mazkur jarayonda hududlardagi "mahalla yettiligi" a’zolari alohida tashabbus ko‘rsatmoqdalar.

Jumladan, Muzrabot tumanining "Al Hakim at Termiziy" mahallasi yettiligi ham ushbu tadbirni uyushqoqlik bilan davom ettirmoqdalar. Xalq deputatlari Muzrabot tumani Kengashi raisi, tuman deputati S.M.Nurmahmatov tashabbusi rahbarligida mahalladagi har bir xonadonga borilib, ayrim sabablarga ko‘ra ro‘yxatdan o‘tishga ulgurmagan fuqarolar bilan muloqot qilinmoqda va savolnomalarni to‘ldirishmoqda.

Ushbu tadbir davomida tuman Kengashi deputati ham fuqarolar bilan muloqot o‘tkazib bordi. Muammolari borlarini ro‘yxatga olib, ijrosini ta’minlash bo‘yicha tegishli tashkilotlarga deputatlik so‘rovi chiqarish choralarini belgilab oldi.

Quvonarlisi, mahalla ahli ham bu jarayonga befarq bo‘lmay, ro'yxatga oluvchilarga yaqindan ko‘maklashmoqda.

Ro‘yxatga olish tadbirida ishtirok etish — bu nafaqat statistika, balki farzandlarimiz kelajagi va yurtimiz taraqqiyoti uchun muhim poydevordir!