Prezident Shavkat Mirziyoyevning Jizzax viloyatida amalga oshirilayotgan islohotlar natijadorligi hamda kelgusidagi ustuvor vazifalar yuzasidan o‘tkazgan yig‘ilishi hududni kompleks rivojlantirishga qaratilgan muhim siyosiy tadbir bo‘ldi. Unda viloyatning ijtimoiy-iqtisodiy holati atroflicha tahlil qilinib, erishilgan yutuqlar bilan birga mavjud muammolar ochiq-oydin muhokama qilindi. 

Yig‘ilish davomida sanoat, qishloq xo‘jaligi, tadbirkorlikni rivojlantirish, investitsiyalarni jalb etish, aholi bandligini ta’minlash hamda ijtimoiy infratuzilmani yaxshilash masalalariga alohida e’tibor qaratildi. Shuningdek, hududlarda davlat dasturlari ijrosini ta’minlash, joylardagi mas’ul rahbarlarning javobgarligini oshirish bo‘yicha aniq vazifalar belgilab berildi.

Rasulova Tansikoy Niyatullayevna, Xalq deputatlari Jizzax shahar Kengashi deputati