Xalq deputatlari Oltinsoy tuman Kengashi deputati Mamatmuratov A’zamat Karamatovich tashabbusi hamda tegishli tashkilotlar bilan o‘zaro kelishilgan holda Oltinsoy tumanidagi “Jiyanbobo” mahallasi Mevazor ko‘chasining 850 metr qismida toshlash (shag‘allash) ishlari amalga oshirildi.

Mazkur tashabbus mahalla aholisining kundalik harakatlanishi uchun qulay sharoitlar yaratish, yo‘l infratuzilmasini yaxshilash hamda fuqarolarning murojaatlarini amalda hal etishga qaratilgan. Amalga oshirilgan ishlar natijasida hududda transport va piyodalar harakati sezilarli darajada yaxshilandi.

Ta’kidlash joizki, mazkur loyiha deputat tomonidan joylarda aholi bilan olib borilgan uchrashuvlar davomida bildirilgan taklif va ehtiyojlar asosida amalga oshirildi. 

Kelgusida ham hudud infratuzilmasini rivojlantirishga qaratilgan bunday amaliy ishlar izchil davom ettirilishi rejalashtirilgan.

✍️Oltinsoy tumani Kengash Kotibiyati Axborot xizmati