Deputat saylovchilar oldida axborot berdi va maktabdagi tayyorgarlik bilan tanishdi

2025-yil 31-iyul kuni Xalq deputatlari Payariq tumani Kengashining 13-saylov okrugi deputati Shakarov Faxriddin Muhammadovich tomonidan “Yangi Obod” mahallasida saylovchilar bilan navbatdagi uchrashuv tashkil etildi.

Uchrashuv davomida deputat o‘zining 2025-yil davomida amalga oshirgan faoliyati yuzasidan saylovchilarga axborot berdi. Jumladan, hududda hal etilgan muammolar, aholining murojaatlari asosida ko‘rilgan choralar, ijtimoiy sohalar, bandlik, obodonlashtirish borasida amalga oshirilgan ishlar xolisona yoritib berildi.

Shuningdek, deputat tomonidan ushbu mahallada joylashgan 10-umumiy o‘rta ta’lim maktabining yangi 2025/2026-o‘quv yiliga tayyorgarlik holati o‘rganildi. Maktabda olib borilayotgan ta’mirlash, jihozlash ishlari, o‘quvchilarni darsliklar bilan ta’minlash holati, xavfsizlik va sanitariya talablariga rioya qilinishi masalalari ko‘zdan kechirildi.

Tashrif davomida aniqlangan ayrim muammolar joyida ko‘rib chiqilib, mas’ul tashkilotlarga tegishli tavsiyalar berildi. Deputat mahalliy ta’lim muassasalarining holati doimiy e’tiborda bo‘lishi lozimligini, bolalar uchun munosib o‘quv muhitini yaratish ustuvor vazifalardan biri ekanligini ta’kidladi.