Deputat mahalladagi mavjud holat bilan tanishdi

Xalq deputatlari Termiz tuman Kengashining 18-Do‘stlik saylov okrugidan saylangan deputati A.Abdullayev navbatdagi ish rejasiga muvofiq Do‘stlik mahalla fuqarolar yig‘inida bo‘lib, mahalla faoliyati bilan yaqindan tanishdi.

Tashrif davomida deputat mahalla hududidagi ijtimoiy-iqtisodiy holat, amalga oshirilayotgan bunyodkorlik va obodonlashtirish ishlari, aholiga ko‘rsatilayotgan xizmatlar sifati hamda fuqarolarni qiynayotgan dolzarb masalalar yuzasidan mahalla faollari va aholi vakillari bilan muloqot o‘tkazdi.

Shuningdek, fuqarolar tomonidan bildirilgan taklif va murojaatlar tinglanib, ularni qonunchilik doirasida hal etish hamda mutasaddi tashkilotlar bilan hamkorlikda ijobiy yechim topish bo‘yicha tegishli choralar belgilandi.

Bunday uchrashuvlar deputatlik nazoratini kuchaytirish, mahallalardagi mavjud muammolarni joyida o‘rganish va aholining manfaatlarini himoya qilishga xizmat qilmoqda.