Saylovchilar muammolari o‘rganildi va qonunlar targ‘ib qilindi.

Xalq deputatlari Qiziltepa tuman Kengashi deputati M. Karimova o‘z saylov okrugidagi xonadonlarda bo‘lib, aholi bilan uchrashdi.

Uchrashuv davomida fuqarolarning ijtimoiy muammolari, bandlik bilan bog‘liq masalalari, ishga joylashish va daromad manbalarini kengaytirish bo‘yicha murojaatlari o‘rganildi.

Har bir murojaat yuzasidan tegishli tashkilotlar bilan hamkorlikda amaliy choralar ko‘rish belgilandi.

Shuningdek, aholi o‘rtasida eng muhim qonunlarning mazmun-mohiyati keng tushuntirilib, ularning huquq va majburiyatlari, qonunchilikdagi yangiliklar hamda amaldagi qonunlardan samarali foydalanish tartibi yuzasidan batafsil ma’lumotlar berildi.