«Jańa Ózbekstan dóretiwshileri» kásiplik sheberlik milliy tańlawınıń rayonlıq basqıshı bolıp ótti.

Ózbekstan Respublikası Prezidentiniń 2025-jıl 23-oktyabr kúngi «Kásiplik bilimlendiriw sistemasında reformalardı ámelge asırıw is-ilajları haqqında»ǵı qararınıń orınlanıwın támiyinlew maqsetinde jaslardıń kásipke bolǵan qızıǵıwshılıǵın asırıw,  orta buwın kadrları arasında báseki ortalıǵın jaratıw, sonday-aq, tańlaw jeńimpazları hám qatnasıwshıların ishki hám sırtqı miynet bazarında joqarı dáramatlı jumıs ornına iye bolıw imkaniyatın jaratıw maqsetinde búgin Shımbay rayonında «Jańa Ózbekstan dóretiwshileri» atamasında» kásiplik sheberlik milliy tańlawınıń rayonlıq basqıshı bolıp ótti.

Ilajda Shımbay rayonı hákiminiń orınbasarı A.Utemisov ashıp berdi, tańlawǵa rayon hákimliginiń Shańaraq hám hayal-qızlar bólimi baslıǵı G.Mambetniyazova hám de Xalıq deputatları Shımbay rayonlıq Keńesi 20-sanlı “Q.Ayımbetov” saylaw okrugi ÓzLIDEP partiyası deputatı L.Mamutova qatnastı.

Tańlaw dawamında qatnasıwshı jaslar modalar texnologiyası, kepserlew, elektromontaj, santexnika, medicinalıq hám sociallıq ǵamxorlıq, shashtárez, kompyuter grafikası hám dizayn kásipleri boyınsha óz-ara bellesti.
Bunday tańlawlardıń ótkeriliwinen tiykarǵı maqset jaslardıń kásipke bolǵan qızıǵıwshılıǵın asırıw, orta buwın kadrları arasında báseki ortalıǵın jaratıw, sonday-aq, tańlaw jeńimpazları hám qainasıwshıların ishki hám sırtqı miynet bazarında joqarı dáramatlı jumıs ornına iye bolıw imkaniyatın jaratılıwı menen úlken áhmiyetke iye.