Hokim yordamchisi tomonidan amalga oshirilayotgan ishlar samaradorligi, xususan aholini kambag‘allikdan chiqarish ishlari o'rganildi 

Xalq deputatlari Qiziriq tumani Kengashi deputati D.Xoliqova “Qorasuv” mahallasida bo‘lib, mahalla hokim yordamchisi tomonidan amalga oshirilayotgan ishlarni hamkorlikda joyiga chiqib o‘rgandi.

O‘rganish jarayonida hokim yordamchisi ko‘magida ajratilgan imtiyozli kredit asosida tashkil etilgan issiqxona faoliyati bilan yaqindan tanishildi. Mazkur loyiha orqali aholi bandligini ta’minlash, tomorqalardan samarali foydalanish hamda daromad manbalarini ko‘paytirishga qaratilgan ishlar olib borilayotgani qayd etildi.

Shuningdek, imtiyozli kredit asosida tashkil qilingan “Milliy pishiriqlar” nomli, turli xil pishiriqlar tayyorlanadigan sex faoliyati ham o‘rganildi. Mazkur ishlab chiqarish sexi mahalla aholisini ish bilan ta’minlash, oilaviy tadbirkorlikni rivojlantirish hamda mahalliy mahsulotlar ishlab chiqarishni kengaytirishda muhim ahamiyat kasb etmoqda.

Deputat mazkur obyektlar faoliyati bilan tanishib, mavjud masalalar yuzasidan tegishli takliflar berdi.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)