“Адолат” социал-демократик партияси Хоразм вилоят Кенгаши ҳамда Демократик жараёнларни таҳлил қилиш маркази Хоразм вилоят бўлинмаси ҳамкорлигида Президент Шавкат Мирзиёевнинг “Марказий осиё янги давр остонасида” мақоласидаги стратегик йўналишларни амалга оширишда
“Адолат” СДПнинг ўрни мавзусида анжуман ташкил этилди.

Анжуманда “Адолат” социал - демократик партияси Хоразм вилоят Кенгаши ходимлари, шаҳар ва туман Кенгашлари раислари, БПТ раислари, Халқ депутатлари вилоят, шаҳар ва туман Кенгашларидаги партия депутатлик гуруҳи раҳбарлари, шаҳар Кенгаши депутати Р.Балтаев, шаҳар котибияти бош мутахассиси Р.Жуманиязов ва ОАВ вакиллари иштирок этишди. Анжуманни партиянинг Хоразм вилоят Кенгаши раисининг ахборот - сиёсати бўйича маслаҳатчиси, матбуот котиби Замира Абдуллаева кириш сўзи билан очиб, бугунги учрашув минтақамиз ҳаётида муҳим ўрин тутган – “Марказий Осиё янги давр остонасида” номли мақолада белгиланган стратегик йўналишлар ва уларнинг амалий ижросида “Адолат” СДП Хоразм вилоят Кенгашининг ўрни мавзусида сўз юритди. 

Шунингдек, анжуман давомида, Президент Шавкат Мирзиёевнинг “Марказий осиё янги давр остонасида” мақоласидаги стратегик йўналишларни амалга оширишда сиёсий партияларнинг ўрни”, “Марказий Осиё янги давр остонасида” мақоласида илгари сурилган ғоялар ва минтақавий ҳамкорликнинг янги босқичи” каби бир қатор мавзулар юзасидан маърузалар тингланди.