Xalq deputatlari Ishtixon tumani Kengashi deputati Elyor Abdusalomov hamda “Yangiravot” mahalla fuqarolar yig‘ini ijtimoiy xizmat ko‘rsatish xodimi Aziza Murtazayeva tomonidan mahalladagi ijtimoiy himoyaga muhtoj oilalar holati joyiga chiqib o‘rganildi.

📋 Xususan, Ijtimoiy himoya yagona reestrida ro‘yxatda turgan, nogironligi bo‘lgan bolalarni parvarishlayotgan oilalarning yashash sharoitlari o‘rganilib, ijtimoiy xizmat xodimi tomonidan maxsus so‘rovnoma asosida baholash ishlari amalga oshirildi.

✅ Baholash natijasiga ko‘ra, ushbu oilalarga ijtimoiy xizmatlar ko‘rsatish, yordam ajratish, bandlik va boshqa yo‘nalishlarda zaruriy choralar ko‘rish bo‘yicha tavsiyalar shakllantirildi.

🤝 Bunday tashriflar joylardagi ijtimoiy muammolarni aniqlash, ehtiyojmand oilalarni qo‘llab-quvvatlash va ularni ijtimoiy hayotga faol jalb etishda muhim o‘rin tutadi.