YANGI OBOD MFYDA AHOLI MUROJAATLARI O‘RGANILDI

Xalq deputatlari Namangan viloyati Kengashi kotibiyati mudiri 

T. G‘apparov, Namangan viloyat saylov komissiyasi raisi o‘rinbosari 

U. Urmanova, Xalq deputatlari Namangan shahar Kengashi kotibiyati mudiri N. Ubaydullayev, Kotibiyat bosh mutaxassislari 

A. Nurmatov va M. Abdulmajidov, shuningdek, mas’ullardan iborat ishchi guruh tomonidan ish rejasining ijrosi doirasida Yangi Obod MFYda aholi murojaatlari yuzasidan o‘rganish ishlari olib borildi.

O‘rganish jarayonida mahalla aholisini qiynayotgan muammolar, fuqarolarning murojaatlari, taklif va mulohazalari joyida o‘rganilib, ularni amaliy hal etish imkoniyatlariga alohida e’tibor qaratildi.

Aholi tomonidan bildirilgan murojaatlar asosan ichki yo‘llarni ta’mirlash va asfaltlash, ichimlik suvi ta’minoti, elektr ta’minoti, obodonlashtirish, kommunal xizmatlar, bandlik, ijtimoiy himoya hamda boshqa ijtimoiy masalalarga oid ekani o‘rganildi.

Fuqarolarning har bir murojaati mas’ullar ishtirokida ko‘rib chiqilib, masalalarni hal etish tartibi yuzasidan tegishli tushuntirishlar berildi. Qo‘shimcha o‘rganish va amaliy chora ko‘rishni talab etadigan murojaatlar bo‘yicha mas’ul tashkilotlarga aniq vazifalar belgilab berildi.

Shuningdek, mahallada aholi bilan ochiq va samarali muloqotni kuchaytirish, fuqarolar murojaatlarini o‘z vaqtida ko‘rib chiqish, mavjud muammolarni joyida aniqlash hamda ularning amaliy yechimini ta’minlash masalalariga alohida e’tibor qaratildi.

O‘rganish davomida aniqlangan muammolarni tegishli mutasaddi tashkilotlar bilan hamkorlikda bartaraf etish, murojaatlar ijrosini nazoratga olish va amalga oshirilgan ishlar natijasi bo‘yicha aholini xabardor qilish yuzasidan zarur chora-tadbirlar belgilab olindi.

O‘rganish yakunida aholi murojaatlarini ijobiy hal etish, fuqarolarning qonuniy huquq va manfaatlarini ta’minlash, aniqlangan muammolarni bartaraf etish hamda belgilangan vazifalar ijrosini nazoratga olish yuzasidan mas’ullarga tegishli tavsiya va topshiriqlar berildi.

🟦🟦🟦🟦🟦🟦