#Ustozga_ehtirom #poytaxtdeputatlari #deputatlik_faoliyati

❗️ BANK-MOLIYA AKADEMIYASIDA USTOZ VA MURABBIYLARGA YUKSAK EHTIROM KO‘RSATILDI

🏛 1-oktabr — O‘qituvchi va murabbiylar kuni munosabati bilan O‘zbekiston Respublikasi Bank-moliya akademiyasida professor-o‘qituvchilar, ustoz va murabbiylarning sharafli mehnatini e’tirof etishga bag‘ishlangan tantanali bayram tadbiri bo‘lib o‘tdi.

🔺 Tadbirda xalq deputatlari Toshkent shahar Kengashi deputati Jamila Shermuhammedova hamda Tarmoq kasaba uyushmasi Toshkent shahar birlashgan qo‘mitasi raisi Dilfuza Ismoilova ishtirok etib, ustoz va murabbiylarga bayram tabriklarini yo‘lladilar.

📚 Jamila Shermuhammedova o‘z chiqishida ustoz va murabbiylarning yosh avlodni bilimli, ma’naviy yetuk, Vatanga muhabbat va yurtga sadoqat ruhida tarbiyalashdagi o‘rni xususida fikr bildirdi. Shuningdek, deputat Jamila Shermuhammedova tomonidan interfaol mashg‘ulotlar tashkil etildi. Unda ishtirokchilar bilan ochiq muloqot va fikr almashuvlar o‘tkazilib, ustozlik kasbining sharafi va mas’uliyati, yoshlar tarbiyasidagi o‘rni hamda jamiyat taraqqiyotidagi ahamiyati haqida so‘z yuritildi.

📹 Bayram tadbiri doirasida ustozlarga bag‘ishlangan maxsus videorolik namoyish etildi. Unda va tadbir davomidagi chiqishlarda ta’lim-tarbiya jarayonida ustozlarning o‘rni, yosh avlodni kamolga yetkazishdagi mas’uliyati va fidoyiligi yana bir bor e’tirof etildi.

📁 Tadbirning muhim qismida Akademiyada ilmiy-pedagogik faoliyat olib borib, ta’lim sifatini yuksaltirish, ilmiy salohiyatni oshirish hamda yosh mutaxassislarni tayyorlashga munosib hissa qo‘shib kelayotgan professor-o‘qituvchilar rektor tomonidan Faxriy yorliq va esdalik sovg‘alari bilan taqdirlandi.

📉 Mazkur tadbir yosh avlod ta’lim-tarbiyasiga e’tibor qaratish, ustozlarning boy hayotiy va kasbiy tajribasini qadrlash, ilm-ma’rifatga bo‘lgan hurmatni yanada mustahkamlash kabi maqsadlar bilan hamohang bo‘ldi.

💐 Ustozga ko‘rsatilgan ehtirom — ilm-ma’rifatga, ta’lim-tarbiyaga va kelajak avlod kamolotiga ko‘rsatilgan ehtiromdir.

📱 Telegram 📱 Instagram 📱 Facebook 📱 YouTube 🔎 E-kengash