“ZARAFSHON” MAHALLASIDAGI MUAMMOLAR O‘RGANILDI

📅 21-sentabr kuni Xalq deputatlari Navoiy shahar Kengashi deputati Ro‘ziqulov Faxriddin Rasulovich hamda Kengash kotibiyati bosh mutaxassisi Diyorbek Toyirov ishtirokida “Zarafshon” mahallasida hududning obodonlashtirish va infratuzilma holati o‘rganildi.

🔹 O‘rganish davomida mahalla hududidagi qurigan daraxtlarni belgilangan tartibda olib tashlash;
🔹 hududda obodonlashtirish ishlarini tashkil etish;
🔹 mahalla atrofidagi ko‘chalarni tungi yoritish vositalari bilan ta’minlash;
🔹 mavjud piyodalar yo‘laklarini asfaltlash hamda boshqa obodonlashtirish va infratuzilma masalalari ko‘rib chiqildi.

📌 Aniqlangan muammolarni bartaraf etish yuzasidan tegishli mas’ul tashkilotlar bilan hamkorlikda amaliy choralar ko‘rish, shuningdek, ko‘tarilgan masalalarning hal etilishi yuzasidan deputatlik nazorati olib borish belgilandi.

⚖️ Mazkur o‘rganish O‘zbekiston Respublikasining 2004-yil 2-dekabrdagi 706-II-son “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunida belgilangan deputatning saylovchilar manfaatlarini ifodalash va hududni rivojlantirish masalalarini hal etishda ishtirok etish vakolatlari doirasida amalga oshirildi.

🤝 Aholi murojaatlari va hududdagi muammolarni joyida o‘rganish hamda ularning qonuniy yechimini ta’minlash deputatlik faoliyatining muhim yo‘nalishlaridan biridir.


🏛Xalq deputatlari Navoiy shahar Kengashi kotibiyati