O‘zbekiston Respublikasi davlat mustaqilligining 35 yilligi munosabati bilan “Adolat” SDPdan saylangan Xalq deputatlari Zafarobod tumani Kengashining 8-«Obod» saylov okrugi deputati D. Chankaeva hamda “Mahalla 17 ligi” vakillari tashabbusi bilan «Birlik» mahallasida keng ko‘lamli obodonlashtirish va hashar tadbirlari o‘tkazildi.
Tadbir davomida mahalla hududi obodonlashtirilib, ichki ko‘chalar va jamoat maskanlari tozalandi, ariq-zovurlar qazilib, daraxt va manzarali ko‘chatlarga parvarish ishlari amalga oshirildi. Shuningdek, hududning sanitariya holatini yaxshilash va yanada fayzli ko‘rinishga keltirishga qaratilgan amaliy ishlar bajarildi.
Bunday xayrli tashabbuslar fuqarolar o‘rtasida o‘zaro hamjihatlik va birdamlikni yanada mustahkamlab, mahallani yanada obod va ko‘rkam maskanga aylantirish yo‘lidagi ezgu sa'y-harakatlarni qo‘llab-quvvatlashga xizmat qilmoqda.