Xalq deputatlari Sardoba tumani Kengashi bosh mutaxassisi L.Toshquvvatov tomonidan tuman dasturlari ijrosini o‘rganish maqsadida Yangiqishloq mahalla fuqarolar yig‘ini hududida barpo etilayotgan 7-sonli davlat maktabgacha ta’lim tashkiloti qurilish obyektida amalga oshirilayotgan ishlar bilan yaqindan tanishildi.
Tashrif davomida qurilish ishlarining borishi, loyiha asosida belgilangan vazifalarning bajarilish holati, qurilish sifati, obyektning muhandislik-kommunikatsiya tarmoqlari bilan ta’minlanishi hamda qurilish ishlarini belgilangan muddatlarda yakunlash masalalari ko‘rib chiqildi.
Shuningdek, mas’ullar va pudratchi tashkilot vakillari bilan suhbat o‘tkazilib, qurilish ishlarini sifatli va o‘z vaqtida yakunlash, belgilangan talablarga qat’iy rioya etish hamda bolajonlar uchun zamonaviy va xavfsiz shart-sharoitlarni yaratish yuzasidan tegishli tavsiya va topshiriqlar berildi.
Ta’kidlanganidek, tuman dasturlari doirasida amalga oshirilayotgan har bir ijtimoiy obyekt qurilishi ustidan jamoatchilik va deputatlik nazoratini kuchaytirish hamda qurilish ishlarining sifatli bajarilishini ta’minlash ustuvor vazifalardan biri hisoblanadi.