Xalq deputatlari Yangiobod tumani Kengashi deputati A. Isroilov tomonidan hududdagi BTS tadbirkorlik xizmatlari faoliyati o‘rganildi.

O‘rganish davomida aholiga va tadbirkorlik subyektlariga ko‘rsatilayotgan kuryerlik, pochta va yetkazib berish xizmatlarining sifati va tezkorligi, mijozlarga xizmat ko‘rsatish holati hamda xizmatlardan foydalanish uchun yaratilgan shart-sharoitlar ko‘zdan kechirildi.

Shuningdek, fuqarolar va tadbirkorlarning jo‘natmalarini o‘z vaqtida qabul qilish va manzilga yetkazish, xizmat ko‘rsatish jarayonida yuzaga kelishi mumkin bo‘lgan muammolar hamda mijozlar murojaatlari bilan ishlash holatiga e’tibor qaratildi.

Deputat tomonidan xizmat ko‘rsatish sifatini yanada oshirish, aholiga qulaylik yaratish, murojaatlarni o‘z vaqtida ko‘rib chiqish va tadbirkorlik subyektlariga ko‘rsatilayotgan xizmatlar samaradorligini ta’minlash yuzasidan mas’ullarga tegishli tavsiya va takliflar bildirildi.