O‘zbekiston Respublikasi Prezidenti Sh.Mirziyoyev raisligida 2026-yil 3-sentyabr kuni kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish yuzasidan o‘tkazilgan videoselektor yig‘ilishida berilgan topshiriqlar ijrosi yuzasidan Bo‘stonliq tumanida kambag‘allik darajasi yuqori bo‘lgan “Qoramozor” mahallasiga biriktirilgan O‘zbekiston Liberal demokratik partiyasidan saylangan deputat A.Kulbayev mahalla istiqomat qiluvchi fuqaro Sh.Nozirov xonadonida bo‘lib, yashash sharoiti va mavjud muammolarni o‘rgandi.

🔻Muloqot davomida oila boshlig‘i o‘rta maxsus ma’lumotga ega ekani, hozirgi vaqtda esa doimiy ish bilan ta’minlanmagani aniqlandi. Oilaning daromad manbalari va mavjud imkoniyatlari o‘rganilib, oila boshlig‘ining bandligini ta’minlash masalasi asosiy muammolardan biri ekani qayd etildi.

Shu bilan birga, oiladagi uy bekasi hozirda umumta’lim maktabida mehnat faoliyatini olib borayotgani ma’lum bo‘ldi. Oilaning mavjud mehnat salohiyatidan samarali foydalanish, xususan, ishsiz oila a’zosini munosib va doimiy daromad manbaiga ega ish bilan ta’minlash zarurligi ta’kidlandi.

🔻O‘rganish jarayonida oila vakillari bilan suhbatlashilib, ularning ishga joylashish bo‘yicha ehtiyoj va takliflari eshitildi. Oila boshlig‘ining ma’lumoti, qobiliyati va qiziqishlaridan kelib chiqib, mavjud bo‘sh ish o‘rinlari yoki kasbga o‘qitish imkoniyatlaridan foydalanish masalalari ko‘rib chiqilishi zarurligi qayd etildi. Deputat tomonidan mazkur oilaning bandligini ta’minlash masalasi nazoratga olinib, oilaga biriktirilgan mas’ul xodimga murojaat qilinishi, fuqaroni ish bilan ta’minlash bo‘yicha amaliy choralar ko‘rilishi bildirildi.