“Sortepa” mahallasida istiqomat qiluvchi fuqaro S. Esonovaning viloyat hokimining sayyor qabulida bildirgan murojaatini o‘rganish maqsadida Xalq deputatlari Toshkent viloyati Kengashi tomonidan tegishli soha rahbarlaridan iborat ishchi guruh tuzildi.

Ishchi guruh a’zolari fuqaroning xonadoniga borib, murojaatda ko‘rsatilgan masalalarni joyiga chiqqan holda atroflicha o‘rgandilar. O‘rganish jarayonida mavjud holat, muammoning kelib chiqish sabablari hamda uni bartaraf etish imkoniyatlari ko‘rib chiqildi.

Aniqlangan holatlar yuzasidan tegishli mutasaddi tashkilot va soha rahbarlariga muammoni qonuniy tartibda hal etish, fuqaroning murojaatida ko‘tarilgan masalalar bo‘yicha amaliy choralar ko‘rish yuzasidan tegishli topshiriq va tavsiyalar berildi.

O‘rganish jarayonida tuman Kengashi kotibiyati mudiri G.Tursunova va hudud deputati N.Muxiddinovalar ham ishtirok etdi. Murojaatning ijrosi hamda ko‘tarilgan masalalarning amaliy yechimi nazoratga olindi.