Pillakashda yoshlar uchun muhim tashabbuslar namoyish etildi

Pillakash mahallasida joylashgan 64-sonli umumta’lim maktabida “Giyohvandlikka qarshi birlashaylik!” shiori ostida o‘quvchilar o‘rtasida rasmlar ko‘rgazmasi va tanlovi o‘tkazildi.

Shuningdek, yoshlar bandligini ta’minlash va yangi ish o‘rinlari yaratish maqsadida mahalladagi ishlab chiqarish yo‘nalishlari bo‘yicha ko‘rgazmalar tashkil etilib, yoshlarga mavjud imkoniyatlar namoyish etildi.

Tadbirda Xalq deputatlari tuman Kengashi deputati, tuman hokimi Gʻulomjon Murodxo‘jayev boshchiligidagi sektor rahbarlari ishtirok etib, yoshlar bilan muloqot qildi hamda ularning tashabbus va takliflari bilan tanishdi.