Xalq deputatlari Chilonzor tumani Kengashi deputati Xidiyatulina Rima Rashitovna tomonidan Kengashning haftalik ish rejasi ijrosi hamda Mahalliy Kengash deputati faoliyatining eng muhim yo‘nalishlari bo‘yicha tavsiyalarning 11-bandi — kuz-qish mavsumida isitish tizimlarining tayyorgarlik holatini o‘rganish yuzasidan Lutfiy mahallasidagi 4-uyda o‘rganish ishlari olib borildi.

O‘rganish davomida ko‘p kvartirali uyda kuz-qish mavsumini betalofat va barqaror o‘tkazish uchun muhim bo‘lgan issiqlik ta’minoti tizimi, ichki isitish tarmoqlari, radiatorlar, quvur liniyalari, issiqlik uzatish uzellari hamda umumiy foydalanishdagi muhandislik-kommunikatsiya tarmoqlari ko‘zdan kechirildi.

Shuningdek, isitish tizimlarining texnik holati, mavsumga tayyorgarlik darajasi, ehtimoliy nosozliklarning oldini olish, issiqlik energiyasidan samarali foydalanish va xonadonlarda qulay haroratni ta’minlash masalalariga alohida e’tibor qaratildi.

O‘rganish natijasida Lutfiy mahallasidagi 4-uyda isitish tizimi kuz-qish mavsumiga tayyor, zarur sharoitlar yaratilgan va tizimlar shay holatda ekani qayd etildi.

Deputat tomonidan ko‘p kvartirali uyda yashovchi aholi uchun issiqlik ta’minotining uzluksizligini ta’minlash, mavjud muhandislik tarmoqlarini soz holatda saqlash va mavsum davomida yuzaga kelishi mumkin bo‘lgan muammolarni tezkor bartaraf etish muhimligi ta’kidlandi.

Kuz-qish mavsumiga puxta tayyorgarlik — aholi xotirjamligi va qulay yashash sharoitining muhim kafolatidir!