Xalq deputatlari Qo‘qon shahar Kengashi deputati X.Nazarova tomonidan o‘z saylov okrugi hududida joylashgan “At-Termiziy” mahalla fuqarolar yig‘inida navbatdagi fuqarolar qabuli o‘tkazildi.

Qabul davomida fuqarolar tomonidan turli ijtimoiy va maishiy masalalar yuzasidan murojaatlar bildirilib, ularni hal etish bo‘yicha tegishli tartibda amaliy choralar belgilandi.

Jumladan, Bog‘i Atirgul ko‘chasi, 22-uyda yashovchi fuqaro M.Mamajonova xonadonining ta’mirtalab holatda ekanligi va uy-joy sharoitini yaxshilash zarurligi yuzasidan murojaat qildi.

Mazkur murojaat yuzasidan deputat tomonidan mahalla ijtimoiy xodimasi bilan birgalikda oilaning ijtimoiy holati va uy-joy sharoiti o‘rganildi. O‘rganish davomida oilaga mavjud ijtimoiy ko‘mak mexanizmlari, jumladan, “Saxovat va ko‘mak” jamg‘armasi orqali uy-joyini ta’mirlash uchun yordam olish imkoniyatlari tushuntirildi.

Oila uchun zarur bo‘lgan hujjatlar tegishli tartibda shakllantirilib, “Saxovat va ko‘mak” jamg‘armasi orqali uy ta’miri bo‘yicha ko‘rib chiqish uchun tizimga kiritildi.

Mazkur murojaat deputat nazoratiga olinib, oilaga zarur amaliy ko‘mak ko‘rsatilishi va murojaat natijasi bo‘yicha tegishli ishlar davom ettiriladi.

Xalq deputatlari Qo‘qon shahar Kengashi