"Milliy tiklanish" demokratiyalıq partiyası Oraylıq Keńesiniń baslıǵı A.Qodirov "Qara úy" ustaxanasınıń jumısı menen tanıstı

✅ Ózbekstan "Milliy tiklanish" demokratiyalıq partiyası Oraylıq Keńesiniń baslıǵı A.Qodirovtıń Shımbay rayonına saparı dawamında rayonda milliy ónermentshilikti rawajlandırıw, milliy qádiriyatlarımızdı qásterlep saqlaw hám ónermentlerdi qollap-quwatlaw baǵdarında ámelge asırılıp atırǵan jumıslar menen tanıstı.

⚡️Sapar sheńberinde "Qara úy" ustaxanasında bolıp, qara úy (otaw) islep shıǵarıwshı milliy ónermentlerdiń jumısı, olarǵa jaratılǵan sharayatlar hám óndiris procesi jaqınnan úyrenildi.

Ustaxanada ónermentler tárepinen milliy dástúrler tiykarında qara úy tayarlaw, onıń aǵash bóleklerin islew, kerekli materiallardı tayarlaw, bezew hám ónimdi tayar halǵa keltiriw processleri haqqında maǵlıwmat berildi. Sonday-aq, qara úy tayarlawda áwladtan-áwladqa ótip kiyatırǵan ónermentshilik sırların saqlap qalıw hám olardı jas áwladqa úyretiw máselelerine ayrıqsha itibar qaratıldı.

Sóylesiw dawamında milliy ónermentshilik xalqımızdıń bay tariyxı, úrp-ádetleri hám mádeniy miyrasın ózinde jámlegeni, bunday ustaxanalar bolsa milliy qádiriyatlardı keleshek áwladqa jetkeriwde áhmiyetli orın iyeleytuǵını atap ótildi.

Sonıń menen birge, ónermentlerdiń jumısın bunnan bılay da rawajlandırıw, olardıń ónimlerin keńnen úgit-násiyatlaw, milliy ónermentshilikke jaslardı tartıw hám bul baǵdarda jańa imkaniyatlar jaratıw máseleleri boyınsha pikir alısıldı.

Sapar etiw juwmaǵında milliy ónermentshilikti rawajlandırıw, qara úy tayarlaw dástúrlerin qásterlep saqlaw hám ónermentlerdiń jumısın qollap-quwatlaw baǵdarındaǵı jumıslardı izbe-iz dawam ettiriw áhmietli ekenligi atap ótildi.