Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat B.Azmetov va kotibiyat xodimi N.Kurganova tomonlaridan tumanning “S.Xondayliqiy” mahallasida yoshlar yetakchisi N.Tojiboyevning yoshlar bilan ishlash, ularning bandligini ta’minlash, bo‘sh vaqtini mazmunli tashkil etish hamda yoshlarni har tomonlama qo‘llab-quvvatlash borasida amalga oshirilayotgan ishlari o‘rganildi.

🔺O‘rganish davomida mahallada jami 85 nafar yoshlar istiqomat qilishi, ularning ijtimoiy holati, ta’lim olishi, bandligi va mavjud muammolari tahlil qilindi. Xususan, 19 nafar yosh maktab o‘quvchisi va talaba bo‘lib, ayni vaqtda vaqtincha ishsiz ekani aniqlandi. Yoshlar yetakchisining har bir yosh bilan individual ishlash, ularning qiziqish va qobiliyatlarini o‘rganish, bandligini ta’minlash hamda mavjud imkoniyatlardan samarali foydalanish borasidagi faoliyatiga alohida e’tibor qaratildi. Joriy yilning boshidan mahalladagi 4 nafar yoshning bandligi ta’minlanganligi, ularga munosib ish o‘rinlari topish, mehnat bozorida talab yuqori bo‘lgan kasblarga yo‘naltirish va daromad manbaini yaratish bo‘yicha amaliy choralar ko‘rilganligi ta’kidlandi.

🔺Shu bilan birga, vaqtincha ishsiz yoshlarning har biri bilan alohida ishlash, ularning kasbiy qiziqishlarini aniqlash va mavjud bo‘sh ish o‘rinlariga yo‘naltirish muhimligi qayd etildi. Ayniqsa, ta’lim olayotgan yoshlarning o‘qish jarayoniga xalaqit bermagan holda kasb-hunar va zamonaviy ko‘nikmalarni egallashi uchun imkoniyatlar yaratish masalasiga e’tibor qaratildi.

🔺Deputat tomonidan yoshlar yetakchisiga mavjud 19 nafar vaqtincha ishsiz yoshning bandligini ta’minlash bo‘yicha manzilli ishlarni kuchaytirish, har bir yoshning muammosini alohida o‘rganish va uning yechimi bo‘yicha aniq chora-tadbirlarni belgilash yuzasidan tavsiyalar berildi.