Xalq deputatlari Qo‘qon shahar Kengashiga 26-"Yangi obod" saylov okrugidan saylangan deputat G.Paygamova tomonidan “Xavfsiz va sog‘lom yurt” profilaktik tadbiri doirasida Qo‘qon shahrida targ‘ibot-tushuntirish ishlari davom ettirilmoqda.

Shu munosabat bilan Oila va xotin-qizlar bo‘limi boshlig‘i N.Ergasheva hamda IIB Huquqbuzarliklar profilaktikasi xizmati vakillari ishtirokida “Nurafshon” Yalong‘och ota MFY hududida xotin-qizlar bilan davra suhbati tashkil etildi.

Suhbat davomida oila-turmush munosabatlari doirasida yuzaga kelishi mumkin bo‘lgan huquqbuzarliklarning oldini olish, oilalar bilan “oilabay” ishlash tizimini samarali tashkil etish hamda oilaviy muhitni sog‘lomlashtirish masalalariga alohida e’tibor qaratildi.

Shuningdek, xotin-qizlarning huquq va manfaatlarini himoya qilish, oilalarda sog‘lom muhitni shakllantirish, erta nikoh va erta tug‘ruqning salbiy oqibatlari, ularning yoshlar salomatligi va kelajak hayotiga ta’siri yuzasidan batafsil tushuntirishlar berildi.

Tadbir davomida onalik va bolalikni muhofaza qilish, ayollar va voyaga yetmaganlarning huquqiy himoyasini kuchaytirish, turli nizoli vaziyatlarning oldini olish hamda muammoli oilalar bilan manzilli ishlash bo‘yicha fikr almashildi.

Yakunda xotin-qizlar bilan bunday targ‘ibot-tushuntirish tadbirlarini muntazam davom ettirish, mavjud muammolarni o‘z vaqtida aniqlash va ularni hamkorlikda hal etish muhimligi ta’kidlandi.

Xalq deputatlari Qo‘qon shahar Kengashi