Xalq deputatlari Qo‘qon shahar Kengashining “Ijtimoiy soha, yoshlar siyosati, madaniyat va sport masalalari bo‘yicha” doimiy komissiyasi a’zolari tomonidan shahardagi 7-son Bolalar musiqa va san’at maktabida musiqa asboblarini saqlash omborining holati bilan yaqindan tanishildi.

O‘rganish davomida musiqa asboblarining saqlanishi, ularni tartibli joylashtirish hamda asboblarning soz holatda saqlanishiga yaratilgan shart-sharoitlar ko‘zdan kechirildi.

Shuningdek, o‘quvchilarning sifatli ta’lim olishi va musiqa mashg‘ulotlaridan samarali foydalanishi uchun zarur bo‘lgan musiqa asboblarini asrash, ulardan oqilona foydalanish hamda saqlash sharoitlarini yanada yaxshilash masalalariga e’tibor qaratildi.

O‘rganish yakunida aniqlangan masalalar yuzasidan tegishli taklif va tavsiyalar bildirildi.

Xalq deputatlari Qo‘qon shahar Kengashi