DEPUTAT SO‘ROVI YUBORILDI.

Xalq deputatlari Bag‘dod tumani Kengashi deputati Doniyor Toxirovich Xamrakulov tomonidan Bag‘dod tumani Maktabgacha va maktab ta’limi bo‘limi boshlig‘iga 2026-yil 7-avgustdagi 59-ds-287-26-sonli deputat so‘rovi yuborildi.

Deputat so‘rovida Bag‘dod tumani Do‘stlik mahalla fuqarolar yig‘inida umumiy o‘rta ta’lim maktabi mavjud emasligi, natijada 7–17 yoshdagi maktab o‘quvchilari qo‘shni hududlardagi maktablarga qatnab ta’lim olayotgani qayd etildi.

Shu munosabat bilan Do‘stlik mahallasida umumiy o‘rta ta’lim maktabini tashkil etish zarurati yuzasidan asoslantirilgan xulosa taqdim etish, shuningdek, mazkur muammoni bartaraf etish bo‘yicha amalga oshirilayotgan ishlar hamda kelgusidagi rejalar haqida batafsil ma’lumot berish so‘raldi.

Xalq deputatlari Bag‘dod tumani Kengashi deputatlari tomonidan fuqarolarning ta’lim olish huquqlarini ta’minlash hamda hududlardagi dolzarb muammolarni hal etish yuzasidan deputatlik nazorati izchil davom ettiriladi.