Tadbir davomida dasturning mazmun-mohiyati, asosiy yo‘nalishlari hamda uni amalga oshirish mexanizmlari atroflicha muhokama qilindi. Ayniqsa, aholi bilan manzilli ishlash, xonadonlarga kirib borish orqali muammolarni joyida o‘rganish va ularga amaliy yechim topish masalalariga alohida e’tibor qaratildi.

📝Shuningdek, dastur doirasida aholining ijtimoiy holatini yaxshilash, muhtoj qatlamni qo‘llab-quvvatlash va jamiyatda inson qadrini yuksaltirishga qaratilgan ustuvor vazifalar belgilab olindi.

📁 Tadbirda O‘zLiDeP faoli, O‘zbekistonda xizmat ko‘rsatgan artist, tuman Kengashi deputati Ra’no Shodiyeva spiker sifatida ishtirok etib, quyidagilarni ta’kidladi:

🗣 “Bugungi kunda Prezidentimiz Shavkat Mirziyoyev rahbarligida amalga oshirilayotgan islohotlar natijasida ochiqlik, aholi murojaatlari bilan ishlash va muammolarni hal etish borasida sezilarli o‘zgarishlar kuzatilmoqda. Shu bilan birga, xalqimiz partiya va deputatlardan yanada katta mas’uliyat va aniq natijalarni kutmoqda.

Yurtimizda yashash sharoitlari tobora yaxshilanmoqda, ko‘plab muammolar bosqichma-bosqich hal etilmoqda. Biroq, aholi tabiiy ravishda yanada yaxshi hayotni, muammolarning tez va samarali yechimini istaydi.

Ana shu talablardan kelib chiqib, “Xalq bilan birga” loyihasi ishga tushirildi. Uning asosiy maqsadi — har bir murojaatni joyida o‘rganish, muammolarni tizimli hal qilish va xalq bilan doimiy muloqotni yo‘lga qo‘yishdan iborat.

Eng asosiy maqsad — xalq ishonchini oqlash, ularning muammolariga yechim topish va har bir fuqaroning hayot sifatini yanada yaxshilashdir”, — dedi R. Shodiyeva.