Xalq deputatlari Pastdarg'om tuman Kengashi deputati S.Djumanova tomonidan Navbahor MFY hududida joylashgan Qo‘shbegi ko‘chasidagi yo‘l holati o‘rganildi. O‘rganishlar davomida mazkur ko‘chaning yo‘li ta’mirtalab ahvolga kelib qolgani, bu esa aholiga qator noqulayliklar tug‘dirayotgani aniqlandi. Yo‘lning nosoz holati transport harakatiga salbiy ta’sir ko‘rsatishi, piyodalar uchun ham qiyinchiliklar yuzaga keltirayotgani qayd etildi. Ayniqsa, yomg‘irli ob-havo sharoitida ushbu ko‘chada harakatlanish yanada murakkablashishi ta’kidlandi. 

 Mazkur muammoni bartaraf etish maqsadida deputat tomonidan tuman obodonlashtirish bo‘limiga deputatlik so‘rovi chiqarildi. Unda Qo‘shbegi ko‘chasidagi yo‘lni ta’mirlash, uning sifatini yaxshilash va aholi uchun qulay sharoit yaratish masalalari ko‘tarildi.

 Deputat tomonidan infratuzilmani yaxshilash, aholi murojaatini o‘z vaqtida bartaraf etish bo‘yicha ishlar davom ettirilishi ta’kidlandi.