Xalq deputatlari tuman Kengashi raisi Sh.Xaitaxunov boshchiligida Kengash kotibiyati mudiri I.Jo`raev, “Agrar, suv xo`jaligi va ekologiya masalalari bo`yicha doimiy komissiya” raisi Q.Qo`ziev hamda “Mahalliy byudjet, tadbirkorlikni rivojlantirish va iqtisodiy islohotlar masalalari bo`yicha doimiy komissiya” raisi E.Qurbonovlardan iborat ishchi guruh tomonidan tumandagi “Yorqin mash`al jilosi”, “Beshkaram”, “Yaxshi niyatli Firdavs”, “Obodonchilik bunyodkori” fermer xo`jaliklarida o`rganish ishlari olib borildi. O`rganishlar davomida chigit ekish agrotexnikasi talablariga rioya etilishi holati, mehnatkashlar uchun yaratilgan shart-sharoitlar hamda ekish ishlarining sifati atroflicha tahlil qilindi. 

Shu bilan birga, bildirilgan so`rovlar yuzasidan tuman qishloq xo`jaligi bo`limi mutahasislari, fermer xo`jaliklari
rahbarlari va tayyorlov-sotuv korxonalari mas`ullari bilan amaliy muloqotlar o`tkazilib, mavsumni belgilangan muddatlarda hamda yuqori sifat bilan yakunlashga kelishib olindi.‌‌