Mazkur murojaat “mahalla yettiligi” bilan hamkorlikda joyiga chiqib o‘rganildi.

 O‘rganish jarayonida murojaatchining asosiy faoliyati dizayn va sahnalarni bezash ekani aniqlanib, u faoliyatni kengaytirish uchun munosib joyga ehtiyoj borligini bildirdi.

 Shuningdek, tadbirkor faoliyat olib borayotgan hozirgi bino holati yaroqsiz ekani ma’lum bo‘ldi.

Masala yuzasidan tadbirkorga mahalla hududida bo‘sh turgan joydan foydalanib, o‘z faoliyatini davom ettirish imkoniyati mavjudligi, buning uchun esa tegishli tartibda hujjatlarni rasmiylashtirish zarurligi bo‘yicha aniq tavsiyalar berildi.

 Bundan tashqari, deputat F.G‘aybullayev tomonidan tadbirkorga “Tadbirkorlik faoliyati erkinligining kafolatlari to‘g‘risida”gi Qonun mazmun-mohiyati tushuntirilib, uning huquq va imkoniyatlari haqida batafsil ma’lumotlar berildi.

Bu kabi manzilli o‘rganishlar va amaliy yordamlar mahallalarda tadbirkorlikni qo‘llab-quvvatlash, yangi ish o‘rinlari yaratish hamda aholi farovonligini oshirishda muhim ahamiyat kasb etadi.