Tuman Kengashi deputati R.Mamatqulov tomonidan 2024-yil 5-iyundagi “Manfaatlar to‘qnashuvi to‘g‘risida”gi O‘RQ-931-sonli O‘zbekiston Respublikasi Qonunining ijrosi yuzasidan hududdagi umumta’lim maktablarida o‘rganish ishlari olib borildi.

O‘rganish jarayonida ta’lim muassasalarida manfaatlar to‘qnashuvining oldini olish, korrupsion holatlarning barvaqt profilaktikasi, ochiqlik va shaffoflikni ta’minlash borasida amalga oshirilayotgan ishlar atroflicha tahlil qilindi. 

Xususan, maktab rahbariyati va xodimlari tomonidan qonun talablariga rioya etilishi, ichki nazorat tizimining yo‘lga qo‘yilgani, manfaatlar to‘qnashuvi yuzaga kelishi mumkin bo‘lgan holatlarni aniqlash va bartaraf etish mexanizmlari ko‘rib chiqildi.

Shuningdek, o‘rganish davomida pedagogik jamoalar bilan suhbatlar o‘tkazilib, ularga mazkur qonunning mazmun-mohiyati, uning amaliy ahamiyati va talablariga qat’iy rioya etish zarurligi yuzasidan batafsil tushuntirishlar berildi.