O‘rganish jarayonida savdo rastalaridagi mahsulotlar assortimenti, narxlarning barqarorligi, sifat darajasi va sanitariya holatiga alohida eʼtibor qaratildi. 

Shuningdek, sotuvchilar hamda xaridorlar bilan suhbat o‘tkazilib, mavjud muammolar, taklif va mulohazalar tinglandi.

Deputatlar tomonidan ijtimoiy ahamiyatga ega mahsulotlar narxlarining asossiz oshib ketishining oldini olish, bozorlarda yetarli zaxira mavjudligini taʼminlash hamda aholiga qulay shart-sharoit yaratish yuzasidan masʼullarga tegishli tavsiya va ko‘rsatmalar berish belgilandi.

Bu kabi o‘rganishlar aholi manfaatlarini himoya qilish, narx-navoni barqaror saqlash va isteʼmol bozorida sog‘lom raqobat muhitini taʼminlashga xizmat qiladi.