Hamkorlik Memorandumi imzolandi

“Madad” nodavlat notijorat tashkilotining Qarshi tuman Huquqiy maslahat byurosi hamda Xalq deputatlari Qarshi tumani Kengashi o‘rtasida hamkorlik Memorandumi imzolandi.

Mazkur Memorandum tomonlar o‘rtasida samarali hamkorlikni yo‘lga qo‘yish, aholiga bepul birlamchi yuridik yordam ko‘rsatish, huquqiy ma’rifatni oshirish hamda mahalliy vakillik organlari faoliyatini huquqiy jihatdan qo‘llab-quvvatlashga qaratilgan.

Hamkorlikning asosiy yo‘nalishlari

🔹 aholiga yuridik xizmatlar ko‘rsatish;

🔹 mahalliy Kengash qarorlari va dasturlari loyihalarini birgalikda tayyorlash;

🔹 Kengash deputatlari va kotibiyat xodimlarining malakasini oshirish;

🔹 aholining huquqiy ongi va huquqiy madaniyatini yuksaltirish.

Mazkur hamkorlik hududda qonun ustuvorligini ta’minlash, fuqarolarning huquq va manfaatlarini himoya qilish hamda ochiq va samarali boshqaruvni mustahkamlashga xizmat qiladi.