Dastlab deputat saylovchilarga I-chirak yakuni bo‘yicha o‘z faoliyati yuzasidan qisqacha axborot berdi. So‘ngra mahalladagi xotin-qizlar bilan davra suhbati bo‘lib o‘tdi. Uchrashuvdan ko‘zlangan asosiy maqsad — ayollarni qiynayotgan muammolarni tinglash, ularning taklif va fikrlariga quloq tutish, shuningdek, mavjud masalalarga joyida yechim topishdan iborat bo‘ldi.

Uchrashuv davomida xotin-qizlar ijtimoiy himoya, bandlik, sog‘liqni saqlash, ta’lim hamda oilaviy munosabatlar bilan bog‘liq masalalar yuzasidan deputatga murojaat qildilar. Ayrim muammolar joyida hal etildi, qolganlariga esa tegishli tashkilotlar bilan hamkorlikda yechim topilishi va’da qilindi.

Deputat, ayollar faolligini oshirish, ularni tadbirkorlikka jalb etish, kasb-hunar o‘rganishiga ko‘maklashish bo‘yicha mavjud davlat dasturlari haqida ham batafsil ma’lumot berdi.

Tadbir iliq ruhda o‘tdi va mahalla ahli, ayniqsa ayollar tomonidan ijobiy baholandi.

Uchrashuv davomida ko‘tarilgan muammo va takliflar:

1. "Ozodlik" va "Paxtakor" mahallalaridagi ariq (lotok) va drenajlarni ta'mirlash.

2. Yoshlar uchun futbol maydoni hamda 14-umumta'lim maktabiga qo‘shimcha bina va faollar zali qurish.

📑 Ko‘tarilgan masalalar bo‘yicha tegishli tashkilotlar bilan bog‘lanib tegishli tartibda deputatlik so‘rovlari yuborilishi ma'lum qilindi.