Xalq deputatlari Pastdarg‘om tuman Kengashi deputati S.Nurmamatova yuborgan deputatlik so‘rovi hamda tashabbusi bilan Nayman mahallasida joylashgan Chamanbog‘ va Ixtidor ko‘chalari obodonlashtirish ishlari uchun "Shahar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida"gi 665-sonli qaror asosida ta’mirlanadigan ko‘chalar ro‘yxatiga kiritildi. 

 Mazkur qaror ijrosi doirasida ushbu ko‘chalarda yo‘llarni ta’mirlash, infratuzilmani yaxshilash hamda aholi uchun qulay shart-sharoitlar yaratish ishlari amalga oshirilishi rejalashtirilgan. Xalq deputatlari Pastdarg‘om tuman Kengashining navbatdagi sessiyasida mazkur masala kun tartibiga kiritilgan.

 Bu kabi tashabbuslar mahallalarda obodonchilik darajasini oshirish, aholining turmush sifatini yaxshilashga xizmat qiladi.