O‘zbekiston Respublikasi Prezidentining 2023-yil 21-dekabrdagi PF-209-son Farmoni ijrosi yuzasidan hududlarda olib borilayotgan ishlar o‘rganildi. O‘rganishlar doirasida deputat mahallada faoliyat yuritayotgan “mahalla yettiligi” faoliyati bilan yaqindan tanishib, amalga oshirilayotgan ishlar samaradorligini tahlil qildi. Shuningdek, hududdagi tadbirkorlik subyektlari faoliyati ham o‘rganildi. Jumladan, subsidiya asosida tashkil etilgan tikuvchilik sexida tikuv mashinalari bilan ta’minlanganligi, ushbu yo‘nalishda yangi ish o‘rinlari yaratilgani hamda ishsiz yoshlarning bandligi ta’minlanayotgani alohida e’tirof etildi. Bundan tashqari, avtomobil ustaxonalari faoliyati bilan tanishilib, aholiga ko‘rsatilayotgan xizmatlar sifati, qulayligi hamda mavjud muammolar yuzasidan mutaxassislar bilan ochiq muloqot o‘tkazildi.Deputat tomonidan o‘rganishlar davomida aniqlangan muammolarni bartaraf etish hamda mavjud imkoniyatlardan samarali foydalanish bo‘yicha tegishli taklif va tavsiyalar berildi.