📌 Deputatlar tomonidan nazorat tadbiri o‘tkazildi

Xalq deputatlari Sherobod tumani Kengashi raisi O. Tursunov hamda 22-Bo‘ston saylov okrugidan saylangan deputat A. To‘xtashov ishtirokida “Oqtepa” mahalla fuqarolar yig‘inida nazorat tadbiri o‘tkazildi.

Mazkur nazorat tadbiri Oʻzbekiston Respublikasi Prezidentining 2024-yil 28-martdagi PQ-141-son qaroriga muvofiq, Islom taraqqiyot banki ishtirokida amalga oshirilayotgan “Qishloq joylarni kompleks rivojlantirish” (2-bosqich) loyihasi doirasida olib borilayotgan qurilish ishlari holatini o‘rganish va nazorat qilish maqsadida tashkil etildi.

Nazorat jarayonida hududda amalga oshirilayotgan qurilish ishlari ko‘zdan kechirilib, ularning sifati, belgilangan muddatlarda bajarilishi hamda loyiha talablariga muvofiqligi yuzasidan mas’ullarga tegishli tavsiya va ko‘rsatmalar berildi.