Chorvachilikni rivojlantirish, hayvonlar salomatligini muhofaza qilish va veterinariya xizmatlari sifatini oshirish qishloq xo‘jaligi barqarorligining muhim omilidir. Bu boradagi ishlarning samarali tashkil etilishi chorvadorlar manfaatlarini himoya qilish, chorva mollari orasida kasalliklarning oldini olish va aholi uchun xavfsiz oziq-ovqat mahsulotlari yetkazib berishda alohida ahamiyat kasb etadi.

Xalq deputatlari Yangiobod tuman Kengashi deputati A. Isroilov Yangiobod tuman Veterinariya va chorvachilikni rivojlantirish bo‘limi faoliyati bilan tanishdi.
O‘rganish davomida veterinariya xizmatlarini tashkil etish, chorva hayvonlari orasida yuqumli kasalliklarning oldini olish, profilaktik emlash tadbirlarini o‘z vaqtida amalga oshirish hamda chorvachilik bilan shug‘ullanuvchi aholi va tadbirkorlarni qo‘llab-quvvatlash masalalariga e’tibor qaratildi.

Chorva hayvonlarining sog‘lomligini ta’minlash, veterinariya-profilaktika tadbirlarini tizimli tashkil etish, chorvadorlarga amaliy ko‘mak berish va mavjud muammolarni o‘z vaqtida hal etish muhim vazifalardan hisoblanadi.

O‘rganish yakunida veterinariya xizmatlari sifatini oshirish, kasalliklarning oldini olish bo‘yicha tushuntirish ishlarini kuchaytirish, chorvadorlar bilan hamkorlikni mustahkamlash hamda chorvachilikni rivojlantirishga qaratilgan chora-tadbirlar samaradorligini oshirish yuzasidan taklif va tavsiyalar berildi.

Maqsad — tumanda veterinariya xizmatlari sifatini yaxshilash, chorva mollari salomatligini muhofaza qilish va chorvachilik tarmog‘ining barqaror rivojlanishiga ko‘maklashish.