Namangan shahar Taraqqiyot hamda Yangi Asr MFY hududida joylashgan “Mikrorayon–Lola” magistral avtomobil yo‘li bo‘yicha kelib tushgan aholi murojaati asosida deputatlik so‘rovi Namangan viloyati IIB JXX YHXB boshlig‘iga yuborildi.

Murojaatda mazkur hududda beton ajratuvchi to‘siq mavjudligi, piyodalar uchun maxsus o‘tish joyining yo‘qligi hamda svetoforli tartibga solish vositasining o‘rnatilmaganligi sababli fuqarolar yo‘lni xavfli tarzda kesib o‘tishga majbur bo‘layotgani va bu holat yo‘l harakati xavfsizligiga salbiy ta’sir ko‘rsatayotgani bayon etilgan.

Shu munosabat bilan:

beton ajratuvchi to‘siqning bir qismini olib tashlash;

belgilangan tartibda piyodalar o‘tish yo‘lagini tashkil etish;

piyodalar harakati xavfsizligini ta’minlash maqsadida svetofor o‘rnatish

Masalalarni qonunchilik talablari asosida ko‘rib chiqish va tegishli choralar ko‘rish so‘raldi.