Xalq deputatlari Parkent tumani Kengashi deputati, Agrar, suv xo‘jaligi va ekologiya masalalari bo‘yicha doimiy komissiya a’zosi Usipxodjayev Yerlan Ormanovich tomonidan deputatlik nazorati doirasida O‘zbekiston Respublikasining 2004-yil 3-dekabrdagi "O‘simliklar karantini to‘g‘risida"gi O‘RQ-484-son Qonuni ijrosi yuzasidan O‘simliklar karantini va himoyasi agentligi Parkent tumani bo‘limi faoliyati o‘rganildi. O‘rganish jarayonida bo‘lim mutaxassislari ishtirokida qonun ijrosini ta’minlash borasida amalga oshirilayotgan ishlar, qishloq xo‘jaligi ekinlarida uchrashi mumkin bo‘lgan zararkunandalar, kasalliklar hamda begona o‘tlarga qarshi olib borilayotgan fitosanitar tadbirlar, eksport va import qilinayotgan mahsulotlarning karantin nazorati, shuningdek, fermer va dehqon xo‘jaliklariga ko‘rsatilayotgan xizmatlar yuzasidan axborot tinglandi. Deputat tomonidan o‘rganish davomida quyidagi masalalarga alohida e’tibor qaratildi:qonun talablarini ijro etish bo‘yicha tasdiqlangan ish rejalari va ularning bajarilish holati; fitosanitar monitoring va karantin tadbirlarining tashkil etilishi;murojaatlar bilan ishlash tizimi hamda ularning o‘z vaqtida ko‘rib chiqilishi; xodimlar soni, ularning malaka oshirish holati va mavjud bo‘sh ish o‘rinlari.O‘rganish davomida bo‘lim faoliyatida uchrayotgan ayrim muammolar, mavjud ehtiyojlar hamda qonun ijrosini yanada samarali tashkil etish bo‘yicha takliflar muhokama qilindi. Shuningdek, aniqlangan masalalar yuzasidan tegishli tavsiyalar berilib, ularning ijrosi deputatlik nazorati doirasida muntazam kuzatib borilishi hamda zaruratga ko‘ra mas'ul tashkilotlar bilan hamkorlikda tegishli choralar ko‘rilishi ta’kidlandi.