Xalq deputatlari Tuproqqal’a tumani Kengashi raisi Xushnudbek Sultonov tomonidan davlat dasturlari ijrosi doirasida Majburiy ijro byurosi Tuproqqal’a tuman bo‘limi uchun barpo etilayotgan yangi ma’muriy bino qurilish ishlari o‘rganildi.

Qiymati 3,3 mlrd so‘mdan ortiq bo‘lgan mazkur obyektni 2026-yil 1-avgustga qadar foydalanishga topshirish rejalashtirilgan. Ayni kunda qurilish ishlarining 90 foizdan ortig‘i bajarilgan bo‘lib, obyektda 24 nafar ishchi va 3 ta texnika jalb etilgan.

O‘rganish davomida bajarilgan ishlar holati tahlil qilinib, qurilish jarayonlarini belgilangan muddatlarda yakunlash hamda obyekt sifatini ta’minlash yuzasidan mas’ullarga tegishli tavsiyalar berildi.

Deputatlik nazorati ostida hududdagi muhim loyihalar ijrosi doimiy kuzatib boriladi.