Xalq deputatlari Toshkent shahar Kengashi delegatsiyasining Kogon shahriga tashrifi doirasida mahalliy Kengash faoliyati, hududiy rivojlanish borasida amalga oshirilayotgan islohotlar hamda deputatlik korpusining amaliy faoliyati bilan yaqindan tanishildi.

Tashrif davomida fuqarolar manfaatlarini ta’minlash, aholi murojaatlarini tizimli hal etish, parlament nazoratini kuchaytirish va hududlarni kompleks rivojlantirishga qaratilgan ustuvor vazifalar yuzasidan batafsil ma’lumotlar almashildi. Shuningdek, Kogon shahrida amalga oshirilayotgan ijtimoiy-iqtisodiy loyihalar va ularning natijalari taqdim etildi.

Uchrashuvda davlat va jamiyat boshqaruvida ochiqlik, mas’uliyat va samaradorlik tamoyillarini yanada mustahkamlash, ilg‘or tajribalarni keng joriy etish hamda hududlar o‘rtasidagi hamkorlikni yangi bosqichga olib chiqish masalalariga alohida e’tibor qaratildi.

Mazkur muloqot hududlar taraqqiyoti, aholi farovonligini yuksaltirish va mahalliy vakillik organlari faoliyati samaradorligini oshirish yo‘lidagi ezgu maqsadlarga xizmat qiluvchi muhim amaliy platforma bo‘ldi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash

Slide 1 of 16