Xalq deputatlari Andijon shahar Kengashining 2026-yil 15–20-iyun kunlariga mo‘ljallangan haftalik ish rejasi hamda mahalliy Kengash deputatlari faoliyatining ustuvor yo‘nalishlari bo‘yicha belgilangan tavsiyalar ijrosi yuzasidan amaliy o‘rganishlar olib borilmoqda.

Shu munosabat bilan Xalq deputatlari Andijon shahar Kengashi deputati Qosimjon Qayumov Andijon shahridagi “Ozodlik” mahalla fuqarolar yig‘inida bo‘lib, mahalla yettiligi faoliyati, kambag‘allikni qisqartirish, aholi bandligini ta’minlash hamda yoshlar bilan ishlash yo‘nalishidagi ishlar bilan tanishdi.

O‘rganishlar davomida fuqarolarning uy-joylariga oid kadastr hujjatlarini rasmiylashtirish masalasida amaliy yordam zarurligi aniqlanib, ushbu muammoni hal etish maqsadida Davlat kadastrlari palatasi Andijon shahar filialiga deputat so‘rovi yuborildi.

Fuqarolarning muammolarini o‘rganish va ularni hal etish yo‘lidagi ishlar davom etadi.