Hudud obodonligi va “drayver” loyihalar ijrosi o‘rganildi.

Xalq deputatlari Kattaqo‘rg‘on shahar Kengashi kotibiyati mudiri N. Xakimov tomonidan Qo‘shhovuz mahallasida hududni ijtimoiy-iqtisodiy rivojlantirishga xizmat qiluvchi “drayver” loyihalarni amalga oshirish uchun zarur infratuzilmaviy shart-sharoitlarni yaratish ishlari yuzasidan o‘rganish olib borildi.

O‘rganish davomida mahallada barpo etilgan salomatlik yo‘lagi, uning bugungi holati hamda mazkur hududdagi obodonlashtirish ishlari sifati atroflicha ko‘zdan kechirildi. Hudud aholisiga qulay va zamonaviy sharoit yaratish, fuqarolarning bo‘sh vaqtini mazmunli tashkil etish hamda sog‘lom turmush tarzini targ‘ib qilishga qaratilgan ushbu yo‘lakning samarali faoliyat yuritishi masalasiga alohida e’tibor qaratildi.

 O‘rganishlar davomida salomatlik yo‘lagi bilan lotok oralig‘ida taxminan bir metr foydalanilmay qolgan hudud mavjudligi aniqlanib, ushbu maydonni ham loyihaga kiritish orqali hududni yanada tartibli va estetik ko‘rinishga keltirish zarurligi qayd etildi.

️ Shuningdek, ayrim fuqarolar tomonidan mazkur hududga turli maishiy chiqindilar tashlab ketilgani ma’lum bo‘lib, bu holat hududning sanitariya va obodonlashtirish talablariga salbiy ta’sir ko‘rsatayotgani ta’kidlandi. Shu munosabat bilan mas’ullarga hudud tozaligini ta’minlash, obodonlashtirish ishlarini kuchaytirish hamda aholining ekologik madaniyatini oshirish bo‘yicha zarur choralarni ko‘rish yuzasidan tavsiyalar berildi.

 Xalq deputatlari Kattaqo‘rg‘on shahar Kengashi tomonidan hududlarda amalga oshirilayotgan loyihalar ijrosi, obodonlashtirish ishlari sifati va aholi uchun yaratilayotgan qulayliklarni o‘rganish hamda mavjud muammolarni o‘z vaqtida bartaraf etish borasidagi ishlar izchil davom ettirilmoqda.