Xalq deputatlari Jondor tumani Kengashiga 5-Oydin saylov okrugidan saylangan deputat O.Muzaffarova hamda tuman Kengashi kotibiyati mudiri I.Xolov va bosh mutaxassisi R.Murodovlar hamkorligida “Jamiyat” mahalla fuqarolar yig‘inida ta’mirtalab ichki yo‘llarni shag‘allashtirish ishlari holati joyiga chiqib o‘rganildi.
✔️O‘rganish davomida mahalla hududidagi ayrim ichki ko‘chalarda fuqarolar harakati uchun noqulaylik tug‘dirayotgan yo‘l muammolari, ayniqsa yog‘ingarchilik mavsumida yuzaga kelayotgan qiyinchiliklar atroflicha ko‘rib chiqildi. Mutasaddilar tomonidan mavjud muammolarni bartaraf etish, ichki yo‘llarni shag‘allashtirish ishlarini jadallashtirish hamda aholiga qulay sharoit yaratish yuzasidan tegishli tavsiya va topshiriqlar berildi.
✔️Shuningdek, mahalla faollari va fuqarolar bilan muloqot o‘tkazilib, ularning yo‘l infratuzilmasini yaxshilash borasidagi taklif hamda murojaatlari tinglandi. Bildirilgan fikrlar asosida kelgusida amalga oshiriladigan ishlar rejasi muhokama qilindi.
✔️Hududlarda infratuzilmani yaxshilash, aholi uchun munosib turmush sharoitlarini yaratish hamda mahallalarda obodonlashtirish ishlarini izchil davom ettirish deputatlar va mutasaddilar e’tiboridagi ustuvor masalalardan biri bo‘lib qolmoqda.