Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat S.Madjitov tumanning “Kichiksoy” mahallasida “Radiks” MChJ tomonidan mahsulotlar ishlab chiqarish loyihasi bo‘yicha o‘rganish o‘tkazdi.

🔵O‘rganish jarayonida korxonada tibbiy doka, sterillangan bint, gipsli bint, umurtqa uchun belbog‘lar, tamponlar hamda boshqa turdagi tibbiy mahsulotlarni ishlab chiqarish quvvatlari, texnologik jarayonlar va ishlab chiqarish sharoitlari bilan yaqindan tanishildi.

🔵Shuningdek, ishlab chiqarishda sanitariya-gigiyena talablariga rioya etilishi, mahsulotlarning sifati va xavfsizligini ta’minlash, zamonaviy uskunalardan foydalanish hamda mahsulotlarni mahalliylashtirish darajasiga alohida e’tibor qaratildi. Korxona mas’ullari tomonidan loyihaning amalga oshirilish bosqichlari, mahsulotlarga bo‘lgan talab hamda kelgusida ishlab chiqarish hajmini kengaytirish rejalari haqida ma’lumot berildi.

🔵Deputat tomonidan mazkur loyihaning ahamiyati ta’kidlanib, aholini sifatli va arzon tibbiy mahsulotlar bilan ta’minlash, import o‘rnini bosuvchi mahsulotlar ishlab chiqarishni ko‘paytirish hamda yangi ish o‘rinlari yaratish bugungi kunda muhim vazifalardan biri ekani qayd etildi.