Фармоннинг қабул қилиниши мамлакатимизда иқтидорли, билимли ва ташаббускор ёшларни ҳар томонлама қўллаб-қувватлаш, уларни келажакда давлат ва жамиятнинг етук етакчилари этиб тарбиялаш йўлидаги навбатдаги муҳим қадам бўлди. Фармон мазмунидан асосий нуқталар Ушбу фармонга мувофиқ, эндиликда: “Президент иқтидорли фарзандлари” номли махсус реестр шакллантирилади; Ҳар бир иқтидорли ёш учун шахсий ривожланиш режаси, менторлик дастурлари ва малака ошириш имкониятлари белгиланади; Республика миқёсида танловлар, олимпиадалар, форумлар ва семинарлар ташкил этилади; Ёшларнинг халқаро олимпиадаларда, нуфузли таълим муассасаларида иштирок этиши учун грантлар, стипендиялар ва давлат кафолатидаги дастурлар жорий этилади; Уларнинг ютуқларига қараб моддий ва маънавий рағбатлантириш тизими йўлга қўйилади. Маҳаллий даражадаги вазифалар Депутат сифатида таъкидламоқчиманки, ушбу фармон ижросини таъминлашда маҳаллий кенгашлар, халқ депутатлари ва ҳудудий секторлар зиммасига ҳам муҳим вазифалар юкланади. Самарқанд шаҳрида ҳам иқтидорли ёшлар кам эмас. Биз уларни аниқлаш, қўллаб-қувватлаш ва ривожлантириш борасида ҳамжиҳатликда иш олиб боришимиз керак.Маҳаллалар, таълим муассасалари, ижтимоий тузилмалар ва тадбиркорлар иштирокида ёшлар учун махсус дастурлар ишлаб чиқилиши зарур. Бу борада давлат сиёсатига маҳаллий ташаббуслар қўшилса, натижа янада самарали бўлади. Хулоса“Президент иқтидорли фарзандлари” ташаббуси – бу фақат бир фармон эмас, балки янги тафаккур, янги ёндашув ва Янги Ўзбекистон келажагига қаратилаётган катта ишонч ифодасидир. Бизга, депутатлар ва жамоат фаолларига, бу ташаббусни халқимиз орасида тарғиб қилиш, ёшларнинг иқтидорини рўёбга чиқаришга хизмат қиладиган муҳит яратиш вазифаси юклатилган. Шу боис, ҳар биримиз — ота-оналар, устозлар, маҳалла вакиллари, тадбиркорлар ва масъуллар — ёшларга нисбатан эътиборимизни янада кучайтиришимиз, уларнинг қобилиятини ишончли келажак сари йўналтиришимиз керак.“Президент иқтидорли фарзандлари” ташаббуси – Янги Ўзбекистон келажагига пойдевор Фармон Очилов, Самарқанд шаҳар халқ депутатлари Кенгаши депутати