#Navbatdagi_sessiya_oldi_
#Doimiy_komissiya_faoliyati

Xalq deputatlari Angor tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishida Angor tumani Xalq qabulxonasi mudiri Temur Mirzayevning tashkilotlarda murojaatlar bilan ishlash holati hamda ushbu yo‘nalishdagi ko‘rsatkichlar yuzasidan axboroti doimiy komissiya ishtirokida muhokama qilindi.

Muhokama davomida aholi murojaatlarini o‘z vaqtida ko‘rib chiqish, fuqarolar tomonidan ko‘tarilgan muammolarni samarali hal etish hamda murojaatlar bilan ishlashda mas’uliyatni yanada oshirish masalalariga alohida e’tibor qaratildi.

Shuningdek, tumanda jinoyatchilik holati va uning oldini olish borasida amalga oshirilayotgan ishlar ham ko‘rib chiqildi. Qayd etilishicha, umumiy jinoyatlar soni 119 tani tashkil etib, o‘tgan davrga nisbatan 24,2 foizga kamaygan.

Doimiy komissiya a’zolari jinoyatchilikning oldini olish, huquqbuzarliklarni kamaytirish, fuqarolar xavfsizligini ta’minlash hamda davlat tashkilotlarida murojaatlar bilan ishlash samaradorligini oshirish yuzasidan tegishli masalalarni muhokama qildilar.